आजचे युग हे तंत्रज्ञानाचे युग मानले जाते...... या युगात जो थांबला तो संपला.... आणि म्हणूनच या तंत्रज्ञानात पुणे जिल्ह्यातील आंबेगाव तालुक्यातील पिंपळगाव (खडकी) या गावामधील रयत शिक्षण संस्थेच्या श्रीराम विद्यालयाने शाळेची छोटीशी वेबसाईट बनवून या तंत्रज्ञानाच्या युगात जोमाने पाऊल टाकले आहे.
या वेबसाईट मध्ये विद्यालयाची थोडक्यात माहिती, विद्यालयाला लाभलेला परिसर, त्याच्या इमारतीचा फोटो, थोडक्यात विद्यालयातील सुविधा, विद्यालयातील असणारे विद्यार्थी, जातनिहाय विद्यार्थी संख्या, शालेय कर्मचारीवर्ग यांचे फोटोसहीत नोंद, शिवाय शाळेमध्ये होणाऱ्या घडामोडींची रीतसर ऑनलाईन नोंद येथे केली जाणार आहे.
या शाळेचे मुख्याध्यापक मा.श्री. डी.टी. तोडकर यांनी नमूद केले कि, शाळेमध्ये विविध कार्यक्रम घेतले जातात. समाजाला त्याची कल्पना असू द्यावी म्हणून प्रेस नोटही दिली जाते. परंतु प्रत्येक वेळेस बातम्या येणे हि अशक्यप्राय गोष्ट आहे. मान्यवर आल्यानंतर नेमक्या वेळी संकलन केलेल्या माहिती पत्रकांची फाईल गहाळ होते. त्यामुळे वेबसाईट हि संकल्पना नक्कीच कौतुकास्पद वाटली. जास्तीत जास्त माहिती टाकून याला जबरदस्त स्वरूप आणण्याचा आम्ही प्रयत्न करणार आहोत. आपणाला नक्कीच हि संकल्पना आवडेल.
