श्रीराम विद्यालय शाळा जागा मोजणी ...

16 ऑगस्ट २०१३
श्रीराम विद्यालय पिंपळगाव खडकी शाळेचे नूतन इमारत बांधणे काम लवकरच होणार असल्याने शाळेच्या आवारातील संस्थेची जागा  सात बाराच्या त्या वेळेस करून दिलेल्या जागा मोजणीच्या नकाशावरून परत तब्बल ३५ वर्षांनी पुन्हा मोजणी करण्यात  आली.
                 १९६६ ते १९६७ च्या सुमारास बांधलेली ही शाळा ज्या वेळी संस्थेची येथे शाखा सुरु करण्याचे ठरले त्यावेळेसचे पहिले मुख्याध्यापक मा. श्री. खोबरे सर यांच्या प्रयत्नातून तब्बल ७ एकर जमिनी गावाने संस्थेला श्रीराम विद्यामंदिरच्या  नावे दान केली. त्यानंतर इमारतीची अत्यंत दुरावस्था झाल्यामुळे  त्याचे बांधकाम व्हावे या दृष्टीकोनातून ग्रामस्थांनी व विद्यार्थी पालकांनी नवीन इमारत बांधणीचा प्रस्तावमांडला.
                  अणासाहेब आवटे महाविद्यालयात नुकतीच महाराष्ट्रराज्य विधान परिषदेचे सदस्य ना. श्री. दिलीपरावजी वळसे पाटील यांनी शाळेसाठी संस्थेला ५० % रक्कम देण्याचे घोषित केले. ५० % रक्कम गावाने गोळा करावी असे ठरले. त्यामुळे जमिनीप्रमाणे गावाने इमारत बांधणीच्या या महान कार्यात सढळ हाताने मदत करून एक प्रशस्त, मोठी आणि दिमाखेदार वास्तू बनवून दाखवावी हीच अपेक्षा...